விவேசினி

விவேசினியின் சுற்றுவட்டப் பாதை!

1881இல் இலண்டனில் வெளிவந்த 'The Freethinker' இதழை முன்னுதாரணமாகக் கொண்டு 1882இல் சென்னை மாகாணத்தில் 'தத்துவ விவேசினி' இதழ் வெளிவரத் தொடங்கியது. அதன் பிறகு பெரியவர் வே.ஆனைமுத்துவும் பேராசிரியர் வீ.அரசுவும் அதை மறுகண்டுபிடிப்புச் செய்து 2012இல் நூல் வடிவம் கொடுத்தனர். இதன் அடிப்படையில் விவேசினி திரைப்படமாக ஓரிரு ஆண்டு முயற்சியில் வடிவம்பெற்று, 2022ஆம் ஆண்டில், லண்டன் மாநகரில் NSS, The Freethinker பொறுப்பாளர்கள் முன்னிலையில் முதன்முதலாகத் திரையிடப்பட்டது. 2023இல் தமிழ்நாடெங்கும் திரையரங்குகளில் வெளியிடப்பட்டது. 2024 இல் உலகமெங்கும் இருக்கும் பார்வையாளர்கள் பார்க்கும் வண்ணம் ஆஹா OTT-இல் நிலைநிறுத்தப்பட்டது. 2025இல் இந்தத் திரைப்படத்தின் திரையாக்கம் நூல் வடிவம் பெற்றுத் தமிழ் கூறும் நல்லுலகெங்கும் கொண்டு சேர்க்கப்பட்டுள்ளது.