மிஸ்-என் - சீன்

லூயிஸ் ஜியானெட்டி எழுதிய திரைப்படங்களைப் புரிந்துகொள்ளுதல்' (Understanding Movies) என்ற புகழ்பெற்ற நூலில், ஒரு திரைப்படம் எவ்வாறு உருவாக்கப்படுகிறது என்பதை விளக்கும் மிக முக்கியமான அத்தியாயங்களில் ஒன்று 'மிஸ் என் சீன்' (Mise en Scène). இந்தப் பகுதி இப்போது தமிழில் மொழிபெயர்க்கப்பட்டுள்ளது.

மிஸ் என் சீன் என்பது ஒரு திரைப்படக் காட்சியின் கலை மற்றும் தொழில் நுட்பக் கூறுகளைச் சுட்டிக்காட்டும் ஒரு கலைச்சொல். அதாவது. ஒரு காட்சியில் திரையில் நாம் பார்க்கும் எல்லாமே நடிகர்கள், உடை, ஒப்பனை, பின்னணி, லைட்டிங் (ஒளியமைப்பு). கேமரா கோணங்கள் (Camera Angles) மற்றும் நகர்வுகள் இவை அனைத்தும் காட்சிக்குத் தேவையான ஒரு உணர்வை உருவாக்க எப்படி ஒருங்கிணைக்கப்படுகின்றன என்பதை இது விளக்குகிறது.

ஒரு திரைப்பட இயக்குநர் தனது பார்வையை, கதை சொல்லும் விதத்தை, உணர்வுகளை வெளிப்படுத்தும் விதத்தை 'மிஸ் என் சீன்' மூலம் எப்படி வெளிப்படுத்துகிறார் என்பதை இந்நூலின் வழி நீங்கள் அறிந்துகொள்ள முடியும். இதைப் படித்து முடிக்கிறபோது, ஒரு கதாபாத்திரத்தின் மனநிலை, ஒரு காட்சியின் சூழல், ஒரு கதையின் கரு இவை அனைத்தும் 'மிஸ் என் சீன்' மூலம் எவ்வாறு பார்வையாளர்களுக்குக் கடத்தப்படுகின்றன என்பதை நீங்கள் கற்றுக்கொள்வீர்கள். வெறுமனே காட்சிகளைப் பார்ப்பதற்கு அப்பால், ஒவ்வொரு சட்டகத்திலும் (Frame) மறைந்திருக்கும் அர்த்தங்களை நீங்கள் புரிந்துகொள்வீர்கள்.

இந்த மொழிபெயர்ப்பு, திரைப்பட விமர்சகர்கள் (Film Critics). திரைப்பட மாணவர்கள் மற்றும் சினிமாவை மிகவும் தீவிரமாக விரும்பும் ஆர்வலர்கள் என அனைவரும் அவசியம் படிக்க வேண்டிய ஒன்று. 'மிஸ் என் சீன்' என்ற கருத்தைப் புரிந்துகொள்வதன் மூலம், நீங்கள் திரைப்படங்களைப் பார்க்கும் விதம் மாறும். இனி ஒரு திரைப்படத்தைப் பார்க்கும்போது, நீங்கள் அதன் வெளிப்புற அழகை மட்டும் ரசிக்க மாட்டீர்கள். அதன் ஆழமான கட்டமைப்பையும், அதில் சினிமா பொதிந்துள்ள கலைநுட்பத்தையும் கண்டறிவீர்கள். இதன் வழி மொழியையும் கற்றுக்கொள்வீர்கள்.