மனநிலை - வெற்றியின் புதிய உளவியல்

உங்கள் ஆற்றலை முழுமையாக நிறைவேற்ற உங்கள் சிந்தனை முறையை மாற்றுங்கள்.இந்தப் புத்தகத்தின் மதிப்பு கல்வி உலகத்தையும் தாண்டி விரிந்துள்ளது. திறமையை வளர்க்க விரும்பும் வணிகர்களுக்கும், சவால்களை எதிர்கொண்டு தங்கள் பிள்ளைகளைச் சிறப்பாக வளர்க்க விரும்பும் பெற்றோர்களுக்கும் இது பொருத்தமானது ஆகும்.

- பில் கேட்ஸ்

சாதனை மற்றும் வெற்றி குறித்த தனது பல தசாப்த கால ஆராய்ச்சி மூலம் நம்முடைய மனநிலையின் சக்தி என்ற புரட்சிகரமான ஒரு கருத்தை உலகப் புகழ்பெற்ற ஸ்டான்போர்ட் பல்கலைக்கழக உளவியலாளர் கரோல் ட்வெக், கண்டுபிடித்துள்ளார்.நமது திறமைகளும் ஆற்றலும் மட்டும் நமக்கு வெற்றியைத் தருவதில்லை, மாறாக, நமது இலக்குகளை நாம் எப்படி அணுகிறோம் நிலையான மனநிலையுடனா அல்லது வளர்ச்சி மனநிலையுடனா -என்பதைப் பொறுத்தே அது அமைகிறது என்பதைப் பேராசிரியர் ட்வெக் விளக்குகிறார். நமது குழந்தைகளின் மதிப்பெண்களை அதிகரிக்க அவர்களை சரியான மனநிலையுடன் ஊக்குவிப்பதோடு, நமது தனிப்பட்ட மற்றும் தொழில்முறை இலக்குகளையும் நம்மால் அடைய முடியும்.

சிறந்த பெற்றோர்கள், ஆசிரியர்கள், தலைமைச் செயல் அதிகாரிகள் மற்றும் விளையாட்டு வீரர்கள் ஏற்கனவே அறிந்த ஒரு விஷயத்தை மனநிலை வெளிப்படுத்துகிறது. அதாவது, மூளையைப் பற்றிய ஓர் எளிய கருத்து, கற்றலை எவ்வாறு வளர்க்கிறது என்பதையும் ஒவ்வொரு துறையிலும் சாதனைக்கு அடிப்படையான மீள்திறனை எவ்வாறு பேணி வளர்க்கிறது என்பதையும் வெளிப்படுத்துகிறது.

திருத்தப்பட்டுப் புதுப்பிக்கப்பட்ட இந்தப் பதிப்பில், அமைப்புசார் மனநிலைகள் பற்றியும் வளர்ச்சியை நோக்கி மனநிலைகள் உங்களை எப்படி இட்டுச் செல்கிறது என்பது குறித்த புதிய தகவல்களும் சேர்க்கப்பட்டுள்ளன; அதோடு, வளர்ச்சி மனநிலைகள் பற்றிய பொதுவான தவறான புரிதல்களுக்கும் இது தீர்வு காண்கிறது.